Policistino frapita... de l'vento [el blogaro]

Ventfrapita estas korea filmo, verkita kaj direktita de Kwak Jae-yong, kun (denove mi parolas pri ŝi) Jeon Ji-hyun kaj Jang Hyuk kiel ĉefrolantoj. Estas belega amhistorio inter policanino Gyeong-jin (Jeon Ji-hyun) kaj licea fiziko instruisto Myung-woo (Jang Hyuk). Estas tute malkutima historio pri amo, doloro kaj espero. Estas historio pri amo kiu pli fortas ol morto, kiu povas venki ĉiujn malfacilaĵojn. La spektanto estos denove surprizita multajn fojojn spektante la filmon, kaj je la fino demandos sin mem pri la senco de tiu ĉi vivo, pri sia propra rolo sur la mondscenejo. Estas forto en la filmo kiu transiras al spektanto, estas kio faras la korean arton supera al holiudstilaj komercaj filmoj, kiu esperigas min ke la arto ne povas esti englutita de mono. Jeon Ji-hyun kaj Jang Hyuk oferas alian brilan performon de la korea kinejo.

[Bendis]

Amo kaj tekniko [Parto 1]

Chromasia

"Mi timas komutilojn, mi timas ke ni baldaux suferos ilin"

Isaac Asimov

[AsimovOnline]

Mi estas sklavino

Ĉu vi konas RPG-ludon (1)? Nu, kiam vi lernas novan ludon, vi devas lerni ĝiajn regulojn. En tiu-ĉi artikolo, mi klarigos pri aparta vivmaniero kiu ŝajnas kvazaŭ ludo. Ĝi povas esti interesa RPG-stila ludo por nur unu vespero, aŭ tute malsama daŭra vivmaniero. Temas pri BDSM-a (2) interrilato (vidu signifon de siglo sube).

Vi ja konas la regulojn por tradicia amrilato: du homoj (nur du? plejofte!), viro kaj virino (aŭ du viroj, aŭ du virinoj!), decidas resti kune dum kelke da tempo (ekde kelkaj minutoj ĝis multaj jaroj, eĉ dumvive) en unu domo (aŭ ĉiu en sia propra domo), ĉar ili amas unu la alian (aŭ ametas, aŭ io ajn) ktp. Ne ekzistas rigide fiksitaj reguloj, nur ĝeneralaj reguloj; la partoprenantoj mem rajtas decidi pri la gvidantaj reguloj de sia speciala rilato. Ankaŭ la BDSM-a interrilato ne havas rigidajn regulojn, la partoprenantoj mem decidos pri tiuj. Ĝenerale du homoj libere decidas resti kune dum kelke da tempo (ekde kelkaj minutoj ĝis multaj jaroj, eĉ dumvive) en unu domo (aŭ ĉiu en sia propra domo), ĉar ili amas unu la alian (aŭ ametas, aŭ io ajn), kaj unu el ili memvole konsentas plenumi ĉiujn volojn kaj dezirojn de la alia partoprenanto. La plenumanto nomiĝas sklavo aŭ subulo, kaj la alia nomiĝas Mastro. Ĉu ĉiujn dezirojn? demandos la leganto... nu, pri tio decidas la sklavo! Tio estas, la sklavo difinas la ĝeneralajn limojn de la interrilato, kaj la Mastro difinos la detalojn inter tiuj limoj. Tre ofte la Mastro fariĝas ankaŭ mentoro por la sklavo, pro tio la Mastro devas esti sperta, klera, respondeca, fidinda, honesta, lojala, respektinda kaj respektema. Kaj kial la sklavo deziras plenumi la volojn kaj dezirojn, eĉ se kapricajn, de alia homo? demandos denove la leganto...

Pro amo, estas mia respondo - tio estas aparta maniero laŭ kiu sklavo amas. La leganto bonvolu rimarki la vortojn kiujn mi uzis por klarigi ĉi-tiun ammanieron: amo, respekto, klereco, honesteco, lojaleco, kaj aliaj. Tio estas, la samaj kvalitoj necesaj por ajna‘sana’ rilato inter homoj. Kvankam multaj opinias ĉi-tiun vivmanieron strangan kaj eĉ malsanan, tia ĝi ne devas esti - perforto ne taŭgas al nia vivmaniero. Cetere tiu-ĉi am-ludo povas ankaŭ esti amuza maniero pasigi vesperon kaj spicigi la amaferon de geamantoj. Ĉu sklavino bone klarigis la aferon, Sinjor(in)o?

[Kristine_slave >> retejo ne plu funkcias !]

(1) RPG estas angla siglo por "Role-Playing Game", tio estas Rol-ludo.
(2) BDSM estas angla siglo por "Bondage & Domination/Discipline, Sadism & Masochism", tio estas "Ligado & Superregado/Disciplino, Sadismo & Masokismo".

Pordo de amo

Via redaktoro foriris kiel bona jxurnalisto en Bruselon, apud porte"porte de Namur" de Afrika prentristo renomita "Porte de l'amour" ( : pordo de amo).

"Mi vagadis tra la tuta mondo neniam vidis urbon kiel Bruselo kaj kvartalon kiel Matonge d'Ixelle kie cxiuj miksigxas (pli ol 100 naciecoj en unu nura kvartalo). Estas malfacile priskribi en unu vorto kio estas Bruselo-Matonge kaj Brusel mem.."

Amo kaj tempovojaĝo [el blogaro]

Il Mare estas korea filmo, direktita kaj verkita de Hyun-seung Lee en 2000. Estas rava, subtila, melankolia, magika amhistorio.

La historio komencas fine de 1999, kiam la voĉaktorino Eun-joo (Jun Ji-hyun) foriras el marborda loĝejo nomata "Il Mare" (itala por "La Maro"). Antaŭ sia departo ŝi lasas en la leterkesto Kristnaskan salutkardon kun mesaĝo por la estonta loĝanto resendi venontajn leterojn por ŝi al nova adreso en la urbo. Intertempe, ekzakte du jarojn antaŭe, en 1997, la unua posedanto de Il Mare, arkitekto Sung-hyun (Lee Jung-jae) ricevas la kardon de Eun-joo. Pensante ke estas ŝerco, li respondas al Eun-joo kaj demandas ŝin ne plu ludi kun lia leterkesto, ĉar la "kurenta jaro estas 1997". Sed post iom da tempo ili ambaŭ komprenas ke la du jara diferenco estas ja reala. Ili eĉ alvenas kun novaj uzoj por tiu ĉi nekutima komunikado maniero: Sung-hyun povas trovi portenblan kasedofonon kiun Eun-joo perdis du jarojn antaŭe kaj Eun-joo povas sendi lin ankoraŭ nepublikitan libron far de lia fremdiĝinta patro. Daŭrante korespondi tra tempo, ili decidas renkonti. La renkontiĝo tempo estas nur semajno future por Eun-joo, sed pli ol du jarojn antaŭe por Sung-hyun. Ĉu ili povos renkonti? Ĉu la amo povas travivi kaj venki kiam la geamantoj eĉ ne vivas en la sama tempo? Ĉu oni povas ŝanĝi la pasintecon kaj futuron por esti kune? Jun Ji-hyun kaj Lee Jung-jae oferas brilan aktoradon en tute neholiudstila filmo. Nepre inda spekti.

[Bendis]

Parizo amas olimpiajn ludojn ?

La 6an de julio estos decidita, kiu urbo "ricevos" la olimpiajn ludojn 2012. Parizo jam multe fanfaronas kaj deklaras "sian amon por la ludoj" (??)

Cxu do povas kunesti kaj profesia sporto kaj amo?

"Ne nur estas konsekvenco sed produkto mem de la sporto: malamo al la kontrauxludanto, malamo al si mem, al la naturo kaj finfine al la vivo"

[Franca artikolo]

"Ludo estas afero, sporto estas alia. Ekde komencas konkurso vi devas nei vian kunludanton. Kiam mi diras "nei" signifas, ke vi devas cxion fari por ne lasi lin plu ludi kaj havi sian propran esprimon."
Eksa sportisto

Ne !

Doisneau

Fotoj el Parizo... simpla kaj bela!

[Vidu ankaux "kiso en fota lernejo"]

Stranga knabino [el blogaro]

"Mia bizara knabino" estas korea filmo direktita de Jae-young Kwak en 2001, bazita sur reala amhistorio afiŝita interrete de Ho-sik Kim kiu rakontas sian rilaton kun lia amatino. Estas bona komedio sed ankaŭ tre bela amhistorio, kiu surprizigos la spektanton ĉiuj 10 minutoj... La ĉefaj rolantoj estas Tae-hyun Cha (la junulo) kaj Ji-hyun Jun (la junulino). Mi ne priskribos la fotojn ĉar ne deziras malkaŝi la historion, sed prepariĝu esti surprizita se vi spektos la filmon! Estonte mi parolos plu pri la aktorino Ji-hyun Jun.

[Bendis]

Orgasma kasxludo, printempa ludo

saltindanses

Mi ne scias, cxu vi jam konas la ludon nomigxantan "orgasma kasxludo". Mi ne kredas, cxar mi jxus elpensis gxin. Mi jxus elpensis, do mi multe kontribuas al la historio de elpensado de vortoj. Tiel mi ebligas eksiston de frazoj, ekde proksimume hodiaux, kiel "venu kun mi ludi orgasman kasxludon", aux "ni ludis orgasman kasxludon la tutan tagon".

Luda regularo

Ni ludas gxenerale kun plenkreskuloj kiuj konsentas. Ili elektas, iam, glatan temposurfacon. Tiu estos la ludejo de la ludo; ekzemple povas esti suna posttagmezo sur blanka littuko (bona ludejo por orgasma kasxludo).

Ludanto-A foriras el la cxambro kaj la alia (ludanto-B) ie kasxas sian orgasmon. Kiam ludanto-B finkasxis sian orgasmon li krias "kasxita !". Jen la ludanto-A denove iras al ludejo kaj B eliras: sama ludo. Kiam la ludanto-A kriis "kasxita!". La du ludantoj reiras al la cxambro.

"Ek !" la celo estas trovi orgasmon de la alia. Sed atentu, ke estas nur la fina celo, antauxe vi devas sercxi cxie, rigardi sub la littukoj, al cxiuj posxoj. Tiel vi plidauxrigos ludon kaj iom post iom kunportos plezuron tiun, kiu akompanos vin gxis la fina celo..

[Orgasma kasxludo franclingve]

Amo estas senlima

Viro/Ino aliaj formoj de mensa malliberejo falu, jam tempo estas. Ni volas cxion kaj tuj. Panjo kaj Pacxjo mi volas gxui la mondon senlime. Ne diru al mi kiel konduki sin! Tiaj roloj ni ne plu volas. Mi volus, ke viro montru lian propran dolcxecon, kaj virino sxian propran forton. Ni kune konstruos seksan revolucion kiu neniam okazis antauxe...

[The Queer Nerdy Girl]

Muziko kontraux amsufero [el blogaro]

Post kiam la temo "knabinoj" jam estis pritraktita detale en la pasinta volumo, ĉifoje la muziko rolas kiel ĉefa intereso. Tamen kompreneble la juna heroo nur partoprenas en diversaj muzikgrupoj por impresi la alian sekson. Sed longe antaŭ ol oni atingas la originan celon, la kutimaj problemoj de muzikistoj aperas. Senfina provludado, vezikoj ĉe la fingroj pro la multa ekzercado, malentuziasmaj bandanoj, oftaj ŝanĝoj en la konsisto de la grupo, malbone miksitaj koncertoj kaj apenaŭ dancema publiko regas la ĉiutagon.

"Ni povas resti amikoj"

La desegnisto Markus Witzel enmetis multajn situaciojn, kiujn muzikemuloj rekonos - de la detalaj fakdiskutoj pri muzikiloj tra la pozado antaŭ la spegulo ĝis la senesperiĝo de la gitarluda komencanto, kiam dum la ekzercado aperas tutfreta akordo. Kulmino estas la koncerto el la vidpunkto de muzikisto. Oni ne vidas la spektantojn, sed la manojn kaj piedojn de la protagonisto, kaj perceptas ties malcertecon. Kio aspektas tre brile kaj senpene ĉe la profesiuloj, reale montriĝas esti streĉo sen multaj spertoj de feliĉeco.

Anstataŭ diversaj epizodoj kun kadra rakonto kiel en la unua volumo, ĉifoje kvazaŭ ĉio okazas en unu sinsekvo. Rekompense la atenta leganto povas malkovri multajn fajnaĵojn, ekzemple Beatles-desegnojn kaj -fotojn en la malantaŭo kaj nudbildojn en la provluda ĉambro de la metala rokgrupo!

"la bando"

Teme "La bando" interesos malpli multajn homojn ol "Ni ja povas resti amikoj" - la temo "muzikado" estas malpli universala ol "malfeliĉa amo". Sed por mi persone Mawil denove rakontis koraferojn, ĉar mi mem same ludis en hobia muzikgrupo kaj muziko daŭre troviĝas inter miaj plej grandaj interesoj. Kio pli bone konsolas dum amsufero aŭ soleco ol muziko?

[La vivo de Kunar]

Filmo dum Festo 2005 !!

Dum internacia semajno Festo kiu okazos sude de Francio fine de auxgusto, ni kreos filmeton. Diskutrondo dum « Sabato de Jefo » pri la venonta filmeto indis.

Sabaton 21an de majo 2005 - Je la 3a posttagmeze !

Esperanto-Jeunes 4 Bis, rue la Cerisaie Paris M°Bastille

[Filmo dum Festo 2002]

[Festo 2005]

Amo murdas

Dank'al novnova metodo vi povos rapide halti amon.

1- Anstataux kisi preferu acxeti !

Vi cxiutage volas kisi kaj jen denove falas en la kaptilon de amo.. Acxetu ajxojn, ne gravas kion, gravas ke anstauxigu la kisadon.

2- Anstataux rigardi amatajn homojn preferu rigardi televidilon !

Jen kion pli bona en la vivo ol rigardi televidilon!!?? Cxefe kiam estas futbalo kun biero ?

3- Ne falu en amon sed en alkoholon!

Drinku multe vi forgesos vian amanton tuj kaj fakte viajn aliajn problemojn.

4- Ne amu sed sportumu, studu kaj laboru !

Cxefe por ke funkciu bone tiu metodo indas ne pensi.


Kaj kiel sentas nun la homoj kiuj cxesis ami?

"Mi cxesis amis estis antaux 6 monatoj kaj nun mi estas alia homo" H (viro 22 jaroj)

"Mi junigxas de kiam mi cxesis ami" J (virino, 26 jaroj)

"Mi ne povis imagi tiom bona ne plu zorgi pri superflua amo" K (virino, 35 jaroj)

Neruda amo [el blogaro]

Kaŭze de vi, en ĝardeno de florantaj floroj, min doloras la printempa parfumo.

Mi estas forgesinta vian vizaĝon, mi ne plu memoras viajn manojn; kiel sentiĝis viaj lipoj sur la miaj?

Kaŭze de vi, mi amas blankajn statuojn duonkŝantajn en la parkoj, statuoj senvoĉaj kaj senvidindecaj.

Mi estas forgesinta vian voĉon, vian ĝojan voĉon; mi estas forgesinta viajn okulojn.

Samkiel floro ligita al sia parfumo, mi ankau estas ligita al maldiafanaj memoraĵoj kiujn mi havas pri vi.

Mi vivas kun doloro kiu estas kiel vundo; tuŝante min, vi nerebonigeble difektos min.
Viaj karesoj envolvas min, kiel vitoj suprenirantaj sur muroj de melankolio.

Mi estas forgesinta vian amon, sed ankoraŭ ŝajnas ke mi ekvidas vin en ĉiu fenestro.

Kaŭze de vi, la ebriigaj parfumoj de somero doloras min; kaŭze de vi, mi denove serĉas indikojn kiuj ekestigas dezirojn: falstelojn, falantaĵojn.

[Prosento]

Kio rimas kun Am'?

Por ke ne estu amalgam'
Mi tuj iru al Amsterdam'
Pli precize al Roterdam'
Kie mi salutas al Eo Team'
Estis nur UEA-a reklam'
Sed poemo ne estas spam'

Do jen sen ornam'
Tuj okazas melodram'
Jen denove deklam'

Prefereble per telegram'
Pli efika ol tamtam'
Kiu nur estas por hipopotam'
Mi lacigxas rimi per Am'
Rata-Vortaro amuzas min kvankam

Platano

[Rata Vortaro]

Bicikla amo [el blogaro]

[Nigrejo]

Tri muzikaj notetoj

Tri muzikaj notetoj
Foriris kiel ankdotoj
Cxe la suvenir'
Finigxis la dezir'
La pagxon Turnigxis
Kaj ili endormigxis

Sed tag' malgraux via ignor'
Ili revenas al la memor'

Vi, kiu volis forgesi
Pri kanteta kares'
El somera kremes'
Vi, neniam forgesos
strat' en somer'
kiu kantis knabin'

La la la la mi vin amas
Kantrevena emo
La la mia amanto
Se parolo ne altnivelas
Tamen rim'
Cxiam kunportas

Tia feria romanco
Kiu vigle vin revivigas

Vera, kaj sxi tiom belis
Tiom fresxa kaj flora
Se vi ne froprenis
Vera, por sxia unua tremo
Sxi vin kanteton oferis
Por kanti kunkune

La la la la cxiuj songxoj
Rimo finigxas
La via rimas kun nenio
Finas antaux la komenc'
La temp' de unu danc'
Dum kantreveno

Tri muzikaj notetoj
kiu gxenas vi
El profunda suvenir'
Levigxas kruela kurten'
ekaperas miloj da pen'
kiu ne volas morti

Vi, kiu volis forgesi
Vi neniam forgesos..

[Originala teksto]

[Mp3]

Kiso en la parko

Miloj kaj miloj da jaroj ecx
Ne sufisxus
Ne forvisxus
La sekundeton de eterneco
Dum vi kisis min
Dum mi kisis vin
Matene en vintra lumo
Cxe Monsuri parko en Parizo
En Parizo
Sur la tero
La tero estas planedo

La ĝardeno, Jacques Prévert – Paroloj, 1947


[El komentoj pri Lio kaj sxia disko 'amo cxiam']

Printemp'

Odoras strofoj de l'printemp' ,
Perfidita eĉ ne de l'temp'
Odoras la verda floriĝ'
Kiel amika renkontiĝ'
Odoras reven' de amik'
Kiu foriris pro abdik'
Rilate al ina kreskaĵ'

Odoras bubaro sen fat'
Pluludas ĝi sur trotuar'
Kaj demandiĝas sen kompat'
Kia estos post unu jar'
Odoras ĉi-tie naskiĝ'
Odoras tie geedziĝ'
Kaj la feliĉ', forlasinta
Kaj la feliĉ', revenonta

Kaj odoras festa nomad'
Ĉe iu fajro substela
Kiu sin lasas al revad'
Pri la somer', la plej bela
Odoras fakte putra tuk'
Kiu, laca pro la ŝirmad',
Tamen staras kontraŭ l'kaduk'
Por la fakul' pri obstinad'

Kaj mi, ĉisezone, inter vintro kaj somer', mi memoras:
Jam de unu jaro vi min forlasis.
Jes, mi, en ĉi sezono, inter vintro kaj somer,' mi konscias,
Ke vin forgesi mi ne tuj sukcesos.

[Mp3]

[El Nigrejo]

Origina teksto, el "Irfan (la heroo)", de les Ogres de Barback

Blataj amoj

[Niquel]

Tio estas hardkoro

..la vestajxo de Janet Jackson kiu falis kaj malkasxis mamon estis antaux planita...
..Madonna metas sian langon en busxon de Britney Spears...

..Kaj T.A.T.U faras antauxperparata lesbanan spektaklon...

Nur malmulte kostaj komercaj strategioj !!!

[Seks kaj Pop]

Nuntempa amo

[El Sonja Kisa Blogo]

Loĝanto [parto 2]

- Matenmangxo pretas!

- Kio felicxigis vin tiom? Haltu rideti kaj mangxu!

- Estas strange, sentighas kvazaux iu estus tie cxi ekde lastnokte ...
Kial vi ridas? Vi estas felicxa?

- Ne malfermu la pordon al absolute
neniu

"Malfacilas diri ĉu la mondo en kiu ni vivas estas realo au sonĝo."

[tradukis Bendis]

Pri amo [el blogoj]

Kio estas amo? Ĉu ĝi temas pri romantikeco? Pri ekzaltita pasio? Pri kuniĝo de du homoj? Aŭ ĉu la amo estas io tute alia ol tio ĉio?

En iu rakonto oni skribas pri recenzisto kiu kritikas verkiston esprimante ke li ne komprenas la amon. "Ĝi estas nek tiel nobla nek tiel eterna kiel vi volas kredigi al viaj legantoj", ŝi diras.

"Neniu komprenas amon", la verkisto konfesas. "Ĝi ŝajnas esti universala, sentempa, tamen, ĝi ankaŭ estas ege individua, influita de niaj propraj travivaĵoj kaj sopiroj. Mi ne komprenas amon, kaj neniam povos kompreni ĝin, ĉar ĝi ĉe ĉiu el ni estas io malsama ol tiu ĉe la aliaj".

[Blogo de Prostento]

Lasta letero

Baldaux estos 60a datreveno de dua mondmilito : jen letero de rezistanto kaptita kaj pafita en 1942.

Mia kara Melime, mia amata etulino,

En kelkaj horoj, mi forestos tiun mondon. Ni estos pafata posttagmeze je la 3a. Okazas kiel akcidento en mia vivo, mi ne kredas gxin sed tamen mi scias ke mi neniam revidos vin.

Kion mi povas skribi al vi? Cxion konfuzas en mi kaj samtempe klaras.

Mi ekpartoprenis liberigan armeon kiel volontula soldato kaj mi mortas tiom proksime de la celo. Felicxon al cxiuj kiuj survivos kaj gustos la dolcxecon kaj plezuron de la Libereco kaj Paco. Mi certas ke franca popolo kaj liberecaj batalantoj digne honoros nian memoron. Kiam mi mortas, mi deklaras ke mi ne havas etan malamon kontraux germanoj aux kontraux iu ajn.

Germana popolo kaj la aliaj popoloj vivos en paco kaj frateco post milito kiu ne dauros. Felicxon al cxiuj... Mi vere bedauras ke mi ne felicxigi vin, mi volus havi bebon kun vi, kiel vi cxiam volis. Havu edzon post militon mi petas, faru gxin, kaj havu bebon, por mia felicxo, estu mia lasta volon, havu edzon kiu felicxigos vin. [...]

Mi mortos kun miaj 23 kamaradoj baldaux kun kuragxo kaj sereno de homo kun trankvila koncienco. Kion mi faris mi faris sen malamo. Hodiaux estas suno. Mi rigardas la sunon kaj belan naturon, mi tiom amis ilin.. Mi adiauxas vin.. cxiujn ..mia kara edzino.. Mi pardonas al cxiuj kiuj vundis aux volis vundi min. Sed ne pardonas tiun, kiu vendis nin. Mi kisas vin forte kaj ankaux vian fratinon. Mia amikoj kaj konatuloj havas cxe la koro. Adauxo. Via amiko, kamarado, amiko, edzo,

Manouchian Michel

[Lasta letero]

La strato de l'amo

Strat' estas, estas plac'
Ecx estas tuta kvartal'
Oni priparolas en detal'
Oni venis el tuta mond'
Cxe la flanko de Pariz'
Cxar tie estas korespond'
Al dolcxec' kaj spirit' de Pariz'

Eta fontan'
Metro staci'
Meze de kafej'

Pigalle

ega Vendej'
pentra atelier'
Porricxa restoraci'

Pigalle

Tie, la kantisto de vojkruc'
Kiu kantacxas pri granda am'
Tie la fortegulo en kun nuddors'
li altigas je centkilogram'

kunmebla Hotel'
Cxarma sed en la malhel'
Cxar oni nur pasas,

Pigalle

Cxirkaux meznokt'
El noktoklub',
Kantrevenon forflugas

Pigalle

Oni Malkovras Vizagxojn
Fenomenajn aux tute banalajn
Oni parolas lingvojn kiel
Cxe babela turo

Jen kiam Falas la tago
Grandas la merkato de amo
La loko kie cxeestas
tiu, kiu vivas dumnokte

Girls kaj modelino,
kunruzokulaj Tziganin'
Kiu legas en la man'
Sendomuloj, Submantela
vendisto Drinkeja estro
Kokain-disdonantoj

Pigalle

Etaj virinoj kiu al vi ridetas
Dirante "Cxu vi venas kaaaara"
Kaj Prosper cxe la angul'
Diskrete prizorgas sian monon

Eta fontan'
Metro staci'
Meze de kafej'

Pigalle

Vivas, krias
Oni diros, kion oni volas
Sed cxe la mond' estas nur unu

Pigalle!!

[Originala teksto]

[Mp3 - far de la rokbando : Pigalle !]

Charles Bukowski

AMO

Amon? li diris- gason.
Kisu min lastan fojon.
Kisu miajn lipojn.
Kisu mian hararon,
miajn fingrojn,
miajn okulojn, mian menson,
por ke mi povu forgesi.

Amon? li diris- gason...

Li havis ĉambron en la tria etaĝo,
misŝancis ĉe dekduo da virinoj,
ĉe 35 gazetoj kaj
ĉe duona dekduo da laborperadoj.
Sed tio tute ne signifas, ke li
estis nekonata geniulo.
Li malfermturnis ĉiujn gaskranojn
kaj kuŝigis sin sur la liton.

Kelkajn horojn poste
iu bruligis cigaredon al si
en la koridoro
sur la vojo al la ĉambro 309.

La sofo flugis el la fenestro.
Vando kunfalis en si mem
kiel malseka sablo.
Ruĝa eksplodoflamo pafiĝis
dudek metrojn en la alton.

La ulon en la lito tio ne dolorigis plu.
Al li estis egale.

Sed mi trovas,
ke li estis damne bona
en tiu tago.

[El cezarkulturo.de]

Larmoj [el blogoj]

Pluvas survizaĝe
el miaj okuloj.
Brulante survange
gutas la doloro.

Tutan vojon longan
sola ĝi trairas
kaj sekvas alia
kiam for ĝi estas.

Al mi ŝajnas vivo
tiom malrapida
kvazaŭ mi kunportus
pezan ŝarĝon dorse.

Sed mi havas celon
kiu tolerigas
al mi la solecon:
mi nur pensas pri vi

[Blogo de Dekerido]

Seks sur ruinoj

Sur rusa videomerkato aperis la unua oficiala pornofilmo. Finfine okazis trarompo de pornografio en la rusian videomerkaton. Unuafoje usona porno-industrio tute lauxlegxe malgrandigas seksan (tro)strecxigxon en nia lando/Rusio. Rusaj video-komercistoj acxe-tis rajton produkti kaj disvastigi kasedon kun simpla titolo SEX -- la unuan filmon de la mondfama 'revolucia' regxisoro-pornografisto Majkl NINN. Malgraux ke la cxefverko aperis kun kelkaj cenzuraj eltrancxajxoj (sen genitalioj), oni povas aserti, ke en Rusio okazis vera seksa revolucio.

Gxin aperigis rusia kompanio 'Soventure', acxetinte rajton de usona firmao 'Antigua', kio ankaux estas revolucio - neniu pirateco. La filmo mem estas surreala novelo pri eskapo de amo en kampon de seksaj ludoj, en rusia video-versio estas reprezentita la varianto 'R' [restricted = limigita], t.e. sen penisoj erektitaj kaj penetrajxoj sur la tuta ekrano. Tamen la revolucia pornografisto Majkl Ninn famas nome pro tio, ke liaj surrealaj filmoj estas faritaj intence senpasie kaj ekscitas ne pli ol frostigita moruo. Lia dua filmo SEX-2 ankoraux pli surreal(ist)a kaj malvarma. Same oni povas diri pri la klasika lia filmo "LATEX" (1996), en kiu estas reprezentitaj cxiuj specoj da seks-deviajxoj - de la simpla anusa sekso gxis la 'duobla penetrajxo'.

Malgraux ke en Rusio gxis nun oni krimpunas por produktado aux vendado de pornografio (cetere, ankaux en Usono), la merkato jam strukturigxis kaj cxio okupas sian lokon. Kaj cxiu spektanto ricevas tion, kion li/sxi volas: amo duope, triope, kvarope ktp. Amo kontrauxnatura, amo kun vipo, amo blua. Seksumado kun bestoj, ajxoj, transvestitoj, en historiaj dekoracioj, laux kasikaj kanonoj ktp. Nenia la plej sekreta kaj malpura homa fantazio restas sen atento de pornografistoj. Kaj cxion sekretan oni eltiras sur ekranon kaj malsekretigas.

Kaj se la plej malcxastaj pensoj kutime kasxas sin en monahxa cxelo, do oni nur povas imagi, per kio estis plenita kolektiva senkonscio de la subpremita komunista (fasxista) socio. Tamen malgraux cxiuj penoj de ties estroj, popolo cxiam trovis rimedojn por ricevi la 'malpermesitan frukton'. Sed ne sciante pri realeco, popolo opiniis, ke ie estas neimagebla kolbaso kaj nekredebla sekso. Kiel skribis fama sovetia verkisto Ilja Iljf: "Sxi revis, ke ie en la mondo ekzistas neimagebla malcxasto. Sed oni frakasis sxian revon". Eksciante pri realeco, rusianoj rapide trairis periodon de granda allogo pri pornografio kaj ilia intereso al gxi rapide falis gxis la raciaj dimensioj. Talentaj rusianoj tuj trairis de teorio al praktiko sub devizo: "Se ili kapablas tion fari, do ankaux ni tion kapablos". Kaj nome rusianoj inventis nocion "Sveda familio", nome rusianoj liveradas al Euxropo la plej malpuran specon de pornografio (ekzemple, seksumado kun hundoj, eble kiel rememoro pri GULAGo, cxu?).

Tamen okazis seniluziigxo - ja t.n. 'malpermesita frukto' igxis produkto de grandega industrio, senanima, blinda masxino, cxenstablo. Kaj cxiu tuj ekenuis. Krome, rusianoj tre lacigxas pro senspiriteco de pornografio. Nome pro tio en Rusio oni tiom sxatas t.n. "molan erotikon", kiun oni nomas en Okcidento "soft porn". Tio estas la sama pornografio, sed sen jure difinitaj trajtoj - bildoj pri enigo de viraj genitaliloj en iujn tru(et)ojn de ies korpo. Ekzemple, filmojn laux stilo de "Emanuel" oni konsideras kiel 'spiritajxojn'. Tamen se oni agnoskas, ke pornografio ludas difinitan rolon en socio (tiun de savklapo), oni ne rajtas sercxi ankoraux ion superfluan, cxu ne?

La plej interesa estas tio, ke la plej grandan kvanton da pornokasedoj oni vendas ne en Moskvo, sed en malgrandaj rusiaj urbetoj. Cxar grizecon de loka vivo oni povas dilui ne nur per vodko, sed ankaux per spektado de allogaj videofilmoj kiel "Anusa shaw [spektaklo]", "Knabinoj de la malantauxa korto", "Glutu, baby, glutu", "Seks-kliniko" kaj la plej proksima al realajxoj de la postkomunista lando "Seks sur ruinoj".

NikSt

[El Soc.culture.esperanto]